Аймгийн ИТХ-ын тэргүүлэгчдийн энэ оны ээлжит хоёрдугаар хуралдаан даваа гарагт боллоо. Тэргүүлэгчдийн зүгээс хоёрдугаар сарын 17-нд хуралдах аймгийн ИТХ-ын ээлжит  тавдугаар хуралдаанаар төсвийн тодотгол хийх тухай  асуудлыг оруулах нь зүйтэй гэж үзлээ. 2016 оны төсвийн орлогын төлөвлөгөө хоёр тэрбум төгрөгөөр тасарсан, аймгийн хэмжээнд төрийн байгууллагаас гурван тэрбум 916 сая төгрөгийн өглөгтэй гарсан байна. Энэ нь эргээд 2017 оны төсөвт тодорхой хүндрэл учруулах төлөвтэй байгаа тул 2016 оны шилжих үлдэгдлээс 3.9 тэрбум төгрөгийн өглөгийг барагдуулах энэ оны батлагдсан зарим төсвийг голдиролд нь оруулах зэрэг шалтгааны улмаас төсөвт тодотгол хийх шаардлагатай болсон байна. Өнгөрсөн оны төсвийг батлахдаа тухайн үеийн эрх баригчид хайнга хандсанаас  Сангийн яаманд төсөвөө хянуулахдаа хамгаалж чадаагүй учир аймгийн хувь хүний орлогын албан татварын төлөвлөгөө хоёр тэрбум төгрөгөөр тасрах шалтгаан болжээ. [sgmb id="1"]