Орхон аймгийн Шүүхүүдийн Тамгын газраас мэдээлэл хийлээ. Орхон аймагт 2016 онд эрүүгийн хэрэг өмнөх оноос 17 хувиар, захиргааны хэрэг 6 хувиар тус тус буурсан үзүүлэлттэй байна. Харин иргэний хэрэг 21.6 хувиар өсчээ. Иргэний хэргийн шүүн таслах ажиллагаа нэмэгдсэн нь улс төрийн шалтгаанаар төрийн албан хаагчдыг ажлаас халсан ажил олгогчдын буруутай үйл ажиллагаанаас үүссэн байна. Өнөөдрийн байдлаар Орхон аймагт Орхон, Булган, Хөвсгөл аймгуудын иргэний хэргийн анхан болон давж заалдах шатны, эрүүгийн хэргийн анхан болон давж заалдах шатны, захиргааны хэргийн шүүхүүд ажиллаж байна. Орхон аймаг хүн амын төвлөрлийн хувьд нягтрал ихтэй, бусад аймгийн дамжин өнгөрөх бүсийн хувьд гэмт хэргийн гаралт төдийлөн буурдаггүй байна. Өнгөрсөн онд шүүхээр таслан шийтгэгдсэн хэргийн эрүүгийн хэрэг 17 хувиар, захиргааны хэрэг 6 хувиар буурсан ч иргэний хэрэг 21.6 хувиар нэмэгдсэн байна. Иргэний хэргийн шүүн таслах ажиллагаа нэмэгдсэн нь улс төрийн шалтгаанаар төрийн албан хаагчдыг ажлаас халсан ажил олгогчдын буруутай үйл ажиллагаанаас үүдэлтэй байжээ. “Монгол Улсын Шүүхийн ерөнхий зөвлөлөөс 2017 оныг шүүхийн байгууллагын үйлчилгээний соёлыг сайжруулах зорилтыг тавьсан байна. Энэ нь шүүхийн шинэтгэлийн хүрээнд шүүхийн үйл ажиллагааг иргэдэд нээлттэй, ил тод байх зарчмыг өндөр түвшинд хүргэнэ” гэж Орхон аймгийн Шүүхүүдийн тамгын газрын дарга М.Ганчулуун ярьж байна. Мөн иргэд, хэвлэл мэдээллийн байгууллагын шүүх хуралдааныг сурвалжлах, үзэж сонирхохыг өмнөхөөс нээлттэй болгох зэрэг үйлчилгээний шинэчлэлийг хийх юм байна. Аймгийн хэмжээнд Захиргааны хэргийн шүүхэд өнгөрсөн онд захиргааны хэргийн 3234 нэхэмжлэл хүлээн авсанаас газрын маргаан 419, төрийн албаны маргаан 417, сонгуулийн маргаан 184 байжээ. Өнгөрсөн 2016 он сонгуулийн жил байсантай холбоотой төрийн албаны маргаан, захиргааны хэрэг 39.2 хувиар, иргэний хэрэг 21.6 хувиар нэмэгджээ. [sgmb id="1"]