“Эрдэнэт үйлдвэр-Ард түмний өмч хөдөлгөөн”-ний тэргүүн Ц.Алтаншагай хэвлэлийн бага хурал хийлээ. Тэрбээр “УИХ-ын 2017 оны хоёрдугаар сарын 10-ны тогтоолоор “Эрдэнэт үйлдвэр” ХХК-ийн 49 хувийг төр эргүүлэн авах тухай тогтоол гарснаас хойш багагүй хугацаа өнгөрлөө. Манай хөдөлгөөний зүгээс ч Засгийн газар, Ерөнхий сайдад албан шаардлага хүргүүлээд 30 хонож байна. Одоогоор хариу ирээгүй байгаа. Өнөөдөр 49 хувийн талын төлөөллүүд болох нэр бүхий найман эрхэм Эрдэнэтэд суух эрх байхгүй. Тэд харин ч эрдэнэтчүүдийн эсрэг ажиллаж байна. Сая Төрийн өмчийн бодлого зохицуулалтын газар, Сангийн яамны шалгалтын үеэр шаардлагатай баримт бичгийг гаргаж өгөөгүй. Хууль бус хийсэн үйлдлүүдээ нуун дарагдуулсан зөрчил гаргасан. Тиймээс эдгээр найман хүнийг эрдэнэтчүүдийн эрх ашгийн өмнөөс Монгол улсын эрх ашгийн тулд Эрдэнэт үйлдвэрээс хөөн зайлуулах ёстой. Өнөөдрөөс эхлэн энэ шаардлагыг тавьж хэдийгээр гадаа цас орж байгаа ч Эрдэнэтэд “Эрдэнэтийн халуун өдрүүд”-ийн тэмцлийг эхлүүлснийг мэдэгдэж байна” гэлээ. [embed]http://www.erdenetnews.mn/wp-content/uploads/video/2017-03-23-Altanshagai-video.mp4[/embed]