Саяхан дахин байгуулагдаж, үүд хаалгаа нээсэн "Иргэнээ сонсох 11-11" төв Эрдэнэт үйлдвэрийн 51 хувийг шалгуулах, хувьчлуулах асуудлыг онцлох сэдэв болгосон. Энэ хугацаанд иргэдээс хэд хэдэн ноцтой мэдээлэл ирсэн байна. Тухайлбал, 2016 оны нэгдүгээр сараас Эрдэнэт үйлдвэрийн Ерөнхий захирал өөрийн доор ажиллах 21 захиралтай "Нэмэлт цалин урамшуулал олгох гэрээ"-г байгуулсан. Үүний дүнд нийт 20 тэрбум 83 сая төгрөгийг урамшуулал нэрээр удирдлагууддаа хуваасан гэсэн мэдээ байна. Дөнгөж 2016 оны 11-р сарын 23-ы өдөр Эрдэнэт үйлдвэрийн захирлаар томилогдон тамга тэмдгээ гардан "Монголын төр, үйлдвэрийн хувьцаа эзэмшигчид та бүхэнд талархаж байна. Та бүхний итгэл найдварыг биелүүлж ажиллахаа илэрхийлье” гэж ам тангараг тавьж байсан Х.Бадамсүрэн ердөө сар хүрэхгүй хугацаанд буюу 2016 оны 12 сарын 9-ны өдөр анхны тушаалаа гаргаж, 300 сая төгрөгөөр “Таван богд” группээс Лексус 570 маркийн автомашин Эрдэнэт үйлдвэрийн хөрөнгөөр худалдан авсан байна. Түүнчлэн өөрийн амьдрах байрандаа буюу 2-р хорооллын 11-р байрны 27 тоотод 24,6 сая төгрөгөөр супер засвар хийлгэсэн аж. Эдгээр мэдээллүүдийг баримт нотолгоотой нь хавсаргаж, төрийн гурван өндөрлөгт хандсан албан бичиг Иргэнээ сонсох 11-11 төвөөс өргөн барих гэж байгаа юм байна. Эх сурвалж: http://mongolcom.mn/read/47062   [sgmb id="1"]