“Эрдэнэт үйлдвэр” ХХК-ийн Төлөөлөн удирдах зөвлөлийн хурлаар 49 хувийн төлөөлөл Да.Ганболд, О.Орхон, М.Мөнхбаатар нарыг чөлөөлсөн. Тэдний оронд Эрчим хүчний яамны төрийн нарийн бичгийн дарга З.Мэндсайхан, Уул уурхай, хүнд үйлдвэрийн яамны Бодлого, хэрэгжилтийг зохицуулах газрын дарга Д.Даваадорж, Төрийн өмчийн бодлого, зохицуулалтын газрын дэд дарга А.Дагвадорж нарыг томилсон байна.  Ингэснээр тус үйлдвэрийн ТУЗ-ийг 100 хувь төрийн боллоо.        Эдний дунд Орхон аймаг, Эрдэнэт хотын хоёр ч “иргэн” байна. Түүний нэг нь аймгийн ИТХ-ын төлөөлөгч “Амгалдан оршихуй ордон”-ы захирал Д.Даваадорж юм. Тэрбээр Орхон аймгийн МАН-ын хорооны гишүүн, тэргүүлэгч, аймгийн ИТХ-ын төлөөлөгчийн сонгуульт ажилтай. Түүний хувьд өнгөрөгч УИХ-ын сонгуульд Хөвсгөл аймгаас сонгогдсон Л.Энх-Амгалангийн сонгуулийн сурталчилгаанд идэвхтэй ажиллаж, хөрөнгө мөнгөний хандив өргөснийхөө төлөө Уул уурхай, хүнд үйлдвэрийн яамны  Бодлого, хэрэгжилтийг зохицуулах газрын даргын суудлаар шагнуулсан гэдэг. Тэр цагаас хойш сонгогчид нь төлөөлөгчийнхөө сургийг гаргах гээд чадахгүй хэцүүхэн байсан. Баян-Өндөр сумын Баянцагаан багаас аймгийн ИТХ-д сонгогдсон түүний хувьд аймгийн ИТХ-ын хуралдаандаа суулгүй удаж байгааг гайхсан сонгогчид нь саяхнаас сургийг нь дуулаад “Улаанбаатарт байгаа манай тойргийн төлөөлөгч Д.Даваадоржид” гэсэн захиаг ТВ-9 телевизийн “Монгол коммент” нэвтрүүлэгт гэсэн хаягаар явуулахаар болсон дуулдана.              Нөгөө нэг нь болох төрийн өмчийн бодлого, зохицуулалтын газрын дэд дарга А.Дагвадорж нь “Эрдэнэт үйлдвэр” ХХК-ийн Дотоод аудитын албаны дэд даргаар өнгөрсөн жилүүдэд ажиллаж байсан агаад МАН-ын нөлөө бүхий эрхмийн гарын хүн хэмээх яриа гарч байна. Намын нэрээр сонгуульд оролцож сонгогдчихоод ялалтын бялуунаас амсангуутаа сонгогчдоо мартдаг Д.Даваадорж төлөөлөгч, ГОК-ын дотоод аудитын албаны дэд дарга асан А.Дагвадорж нартай уулзаж учрах, баяр хүргэх, хэтийн төлөвлөгөөгөө ярилцах гэсэн намынх нь нөхдүүд нийслэлийн зүг хүлгийн жолоо залж байгаа гэнэ. [sgmb id="1"]