“Эрдэнэт үйлдвэр” ХХК-ийн Төлөөлөн удирдах зөвлөлийн хурал Гендерекцийн “Зэс” танхимд хуралдаж үйлдвэрийн орлогч захирлуудын томилгоог танилцууллаа. Энэ тухайгаа ТУЗ-ийн дарга, Засгийн газрын Хэрэг эрхлэх газрын дэд дарга Д.Бямбасүрэн хэвлэлийнхэнд товч мэдээлэл хийсэн юм. ТУЗ-ийн шийдвэрээр “Эрдэнэт үйлдвэр” ХХК-ийн Ерөнхий захирлын Үйлдвэрлэл эрхэлсэн орлогч захирлаар Баяжуулах фабрикийн даргаар ажиллаж байсан Д.Эрдэнэцогтыг, Хөгжил, их барилгын асуудал эрхэлсэн орлогч захирлаар Н.Батболорыг, Эдийн засаг, санхүүгийн асуудал эрхэлсэн орлогчоор Д.Дэлгэрбаярыг, үйлдвэрийн Ерөнхий захирлын Нийгмийн асуудал эрхэлсэн орлогч захирлаар Ц.Батсайхан нарыг томилж байгаа аж.              Харин үйлдвэрийн Ерөнхий захирлын нэгдүгээр орлогч захирлын үүргийг түр орлон гүйцэтгэгчээр Б.Шинэбаатарыг томилсон байна. Ийнхүү “Эрдэнэт үйлдвэр”-ийн ТУЗ-ийн бүрэлдэхүүнийг төр 100 хувь бүрдүүлснээр удирдлагын шинэ багийн томилгоог төрөөс хийлээ.