“Эрдэнэт үйлдвэр” ХХК-ийн Үйлдвэрчний эвлэлийн холбоог шинэчлэх зорилготой “ҮЭХ-г шинэчлэх, үйл ажиллагааг сайжруулах хөдөлгөөн”-өөс энэ оны тавдугаар сарын 1-н, Олон улсын хөдөлмөрчдийн эв санааны нэгдлийн өдрөөр Холбооныхоо даргыг сонгох “Сонгууль явуулах журам”-аа гаргажээ. Мөн энэ өдөр ҮЭХ-ны өнөөгийн удирдлага Н.Батбаатарын ажилд үнэлэлт дүгнэлт өгөх юм байна. Ингээд “Сонгууль явуулах журам”-ыг бүрэн эхээр нь хүргэж байна Эрдэнэт үйлдвэрийн ҮЭХ-ны даргад нэр дэвшигчдийг бүртгэх, сонгууль явуулах журам Эрдэнт үйлдвэрийн ҮЭ-ийн Холбооны даргыг сонгох сонгуулийг Олон улсын хөдөлмөрчдийн эв санааны нэгдлийн өдөр 2017 оны тавдугаар сарын 1-ний өдөр явуулна. Нийт ажилчдын олонхийн саналыг авсан нэр дэвшигчийг Эрдэнэт үйлдвэрийн ҮЭ-ийн Холбооны даргаар батламжилна. Бүх нийтийг оролцуулсан санал хураалтыг үдийн хоолны цагаар явуулна. Нэр дэвшигч нь өөрийн төлөөллийн хүнийг хянагчаар оролцуулах эрх эдэлнэ. Эрдэнэт үйлдвэрийн ҮЭ-ийн Хорооны даргад нэр дэвшигч нь дараахь шаардлагыг хангасан байх хэрэгтэй.Үүнд:                  1.Нэр дэвшигч нь МҮЭ-ийн гишүүн байна.                  2.ҮЭ-ийн зохих мэдлэгтэй, удирдан зохион байгуулах, багаар ажиллах чадвартай, хүний төлөө гэсэн сэтгэлтэй, шударга зан чанартай, хөдөлмөрийн насных байх. Эрдэнэт үйлдвэрийн ҮЭ-ийн Холбооны даргад нэр дэвшигч нь дараахь материалуудыг бүрдүүлэн “ҮЭ-ийн Холбоог шинэчлэх, үйл ажиллагааг сайжруулах хөдөлгөөн”-ий тэргүүнд бүртгүүлнэ. Цахим үнэмлэхний хуулбар 2% цээж зураг Их, дээд сургууль төгссөн дипломын нотариатаар баталгаажуулсан хуулбар Өөрийн намтрыг мөрийн хөтөлбөрийн хамт авчирч бүртгүүлнэ Нэр дэвшигчдийг 2015 оны дөрөвдүгээр сарын 3-ны өдрийн 08.00 цагаас дөрөвдүгээр сарын 25-ны өдрийн 17.00 цагийн хооронд бүртгэнэ. Нэр дэвшигчдийн сурталчилгаа хийх эрх нь албан ёсоор бүртгэгдсэн өдрөөс эхлэн үүсэх ба дөрөвдүгээр сарын 28-ны өдрийн 15.00 цагт дуусгавар болно. Хурал зохион байгуулах комисс Эрдэнэт үйлдвэрийн “ҮЭ-ийн Холбоог шинэчлэх, үйл ажиллагааг сайжруулах хөдөлгөөн” Баяжуулах үйлдвэрийн ҮЭ-ийн Хороо Ил уурхайн ҮЭ-ийн Хороо Дулааны станцын ҮЭ-ийн Хороо [sgmb id="1"]