Баян-Өндөр сумын хэмжээнд газар авах хүсэлтээ илэрхийлж өргөдөл өгсөн 1900 гаруй иргэд байгааг сумын Засаг дарга С.Ганцогт онцолж байна. Энэ онд газар олгох төлөвлөгөөнд тусгагдсанаар 300 иргэнд газар олгох юм. Өмнөх жилүүдэд өргөдөл өгсөн иргэдэд дарааллын дагуу газар олгодог байсан. Харин энэ жил цахимаар буюу сугалааны аргаар газар олгохоор иргэдээс судалгаа авч байгаа аж. Уг аргыг сонгох болсон нь ямар нэг будилаан үүсэхгүй, иргэдийн дунд эргэлзээгүй болох талтай гэж үзэж байна. Газар авах хүсэлтээ ирүүлсэн өргөдлөөс харахад, 2009 онд өргөдлөө өгсөн ч одоог хүртэл газар аваагүй иргэд байдаг. Энэ онд Эрдэнэ, Говил, Их залуу, Яргуйт зэрэг багт газар нөхөж олгох юм. Үүнээс гадна 2014, 2015 онд авсан газраа ашиглаагүй газрыг нөхөн олголтонд оруулна гэж Баян-Өндөр сумын Засаг дарга ярьлаа. [sgmb id="1"]