Шинээр баригдаж байгаа төдийгүй ашиглалтанд ороод удаагүй орон сууцнуудын метр квадрат зөрж байгаатай холбоотой гомдол санал сүүлийн үед ихээр гарах болсон. Шинэ байр худалдан авсан иргэн байрандаа орсны дараа захиалсан хэмжээндээ байна уу гэдгийг хэмжилт хийх эрхтэй компаниудаар шалгуулахад тодорхой хэмжээгээр дутдаг байна. Саяхан иргэдийн хүсэлтээр Улаанбаатарын компани ирж, хэмжилт хийхэд шинэ байрнуудад 1-2 метр квадратын зөрүү гарсан байна. Уг ажлын төлбөрт 1метр квадратыг 1500-1800 төгрөгөөр тооцон хийдэг аж. Энэ төрлийн үйлчилгээ эрхлэх эрхтэй компани манай аймагт байдаг. Барилгын компаниуд орон сууцны талбайн хэмжээгээ дутуу барьчихаад талбайгаа илүү тооцож иргэдээс мөнгө авч байгаа нь хууль бус үйлдэл юм. Уг нь орон сууцны талбайн хэмжээг шавардлагатай хананаас нөгөө хананы хооронд хэмжих ёстой. Гэтэл барилгын компаниуд хананы ойсон хэсгээс хэмжээ авч иргэдийг хохироож байгааг аймгийн МХГ-ын улсын байцаагч ярьж байна. Иргэд ийм байдлаар 2-3 сая төгрөгийг барилгын компаниудад бэлэглэдэг. Хэрэв иргэн та захиалсан байрныхаа хэмжээг зөрсөн гэж үзвэл барилгын зураг төслийн компанид хандаж хэмжилт хийлгэх бүрэн боломжтой. Тантай хамтран хөндлөнгийн хяналт тавих уг газар нь тусгай зөвшөөрөлтэй мэргэжлийн байгууллага  байх юм. О.Алтанзаяа [sgmb id="1"]