“Эрдэнэт үйлдвэр” ХХК-ийн “ҮЭХ-г шинэчлэх, үйл ажиллагааг сайжруулах хөдөлгөөн”-өөс тавдугаар сарын 1-н буюу “Дэлхийн эв санааны нэгдлийн өдөр” холбооныхоо тэргүүнийг өөрчлөх ээлжит бус сонгуулийг явуулж байгаа билээ. Өглөөний 06.50 цагт эхэлсэн Задгай талбайн сонгууль “Барилгачдын талбай”, Спорт цогцолборын өмнөх талбайд зохих ном журмын дагуу Баян-Өндөр сумын Засаг даргаас зөвшөөрлийг нь авч үйлдвэрийн ҮЭХ-нээс “Зад сонгуульдаж” байна. Сонгуулийг “Үйлдвэрчний эвлэлийг холбоог шинэчлэх, үйл ажиллагааг сайжруулах холбоо”-ноос зохион байгуулж түүнийг нь үйлдвэрийн ҮЭХ-ны салбар хороодууд дэмжин, хамтран ажиллаж байгаа аж. Ажилчдын автобус явахаас 20 гаруй минутын өмнө эхэлсэн сонгуулийн нээлтийн үеэр 200 гаруй ажилтан саналаа өгч, зарим нь ажлаас тарангуут саналаа өгөхөө илэрхийлж байлаа. Энэ удаагийн ҮЭХ-ны даргыг сонгох сонгуульд дөрвөн хүн нэр дэвшин өрсөлдөж байгаа юм. Хүдрийн ил уурхайн Үйлдвэрчний хорооны дарга П.Баттөр, үйлдвэрийн инженер, Т.Соёл-Эрдэнэ, БОЭТ-ийн аж ахуй эрхэлсэн орлогч А.Болдбаатар, Н.Эрдэнэбаяр нар үйлдвэрийн үйлдвэрчний эвлэлийн 6000 шахам гишүүдийн эрх ашгийг хамгаалан ажиллах мөрийн хөтөлбөрөө гишүүддээ санал болгон танилцуулж ҮЭХ-ны даргын сонгуульд нэр дэвшин өрсөлдөж байна. Үдийн 15.00 цагийн байдлаар Спорт ордны өмнөх санал авах байранд биднийг очиход ирц 30 гаруй хувьтай байна хэмээн зохион байгуулагчид мэдэгдсэн. “ҮЭХ-г шинэчлэх, үйл ажиллагааг сайжруулах хөдөлгөөн”-ий тэргүүн Б.Даваажав “Гишүүдийн ирц гайгүй байна. Ихэнх нь ажилдаа гарсан учраас ажлаасаа буунгуут саналаа өгөхөө утсаар илэрхийлж байгаа. Санал хураалт 22.00 цаг хүртэл явагдах учраас ирц хангалттай хүрэх байх. Харин зарим нэг нэр бүхий хүмүүсийн шахаа түлхээсээр бидний үйл ажиллагааг бусниулах гэсэн нөхдүүд ирж дарамтлах гэж оролдох үзэгдэл мэр сэр гарч байгаа. Гэхдээ бид үүнээс шантрахгүй. Манай хөдөлгөөн гишүүдийн үүсгэл санаачлагаар байгуулагдсан болохоос хэн нэгний захиалгаар сонгууль явуулаагүй. Үйлдвэрийн ажилчид түүхэндээ анх удаа ҮЭХ-ны даргаа өөрсдөө сонгож байна. Эрхээ эдэлж байна” гэсэн юм. [sgmb id="1"]