“Хүлэг” захын дэргэдэх ил задгай худалдаа эрхэлдэг Кувейтийн гудамжны хөрсний бохирдлыг арилгах, тохижилт , цэцэрлэгжүүлэлтийн ажлыг 100 сая төгрөгөөр хийхээр боллоо. Аймгийн Засаг даргын санаачилгаар тохижилтын ажлыг эхлүүлэх юм. Байгаль хамгаалах, нөхөн сэргээх арга хэмжээний зардалд нэмэлт өөрчлөлт оруулахаар боллоо. Үүнд Кувейтийн гудамжны хөрсний бохирдлыг арилгах, тохижилт, цэцэрлэгжүүлэлтийн ажлыг хийнэ. Кувейтийн гудамж нь “Хүлэг” захын ойр орчим буюу “Баян” худалдааны төвөөс урагш ил задгай худалдаа эрхэлдэг хэсэг юм. Аймгийн иргэдийн хүнсээ худалдан авдаг захын хажууд ил задгай бие засах, хог шороондоо дарагдсанаас хөрсний бохирдол ихтэй байдаг. Иймд Кувейтийн гудамжийг шинэчлэн засварлах, тохижуулахаар нэмэлт зардлыг оруулж өгсөн байна. “Кувейтийн гудамжинд ил задгай худалдаа эрхлэгчдийг Хангайн бүс худалдааны төвийн арын Худалдааны гудамжинд шилжүүлэх боломжгүй. Хөл хөдөлгөөн багатай учир иргэд орлого олох боломжгүй” гэж Засаг дарга Д.Батлут хэлсэн. Харин өмнө нь “Хангарьд” Спортын ордны хажууд байсан шат, гарцыг дахин нээх саналыг тэргүүлэгч Д.Батбилэг оруулсан юм. Аймгийн ИТХ-ын дарга П.Пүрэвлхагва Кувейтийн гудамжны хөрсний бохирдлыг ямар ч аргаар арилгах боломжтой. Зах орчмын тохижилтын ажлыг дэмжиж байгаагаа илэрхийллээ. Тэргүүлэгчдийн дэмжлэгээр Байгаль хамгаалах, нөхөн сэргээх зардалд нэмэлтээр оруулж, хөрөнгө оруулалт хийхээр болсон юм. Ц.Ариунчимэг [sgmb id="1"]