Хөдөлмөр эрхлэлтийг дэмжих төсөл хөтөлбөрийн хүрээнд манай аймагт зургаан төсөл хөтөлбөр хэрэгжиж эхэлсэн. Үүний таван хөтөлбөрийг эргэн төлөгдөх нөхцлөөр иргэдэд хүүгүй, барьцаагүй итгэлийн үндсэн дээр олгож байгаа. Эхний ээлжинд “Ажлын байрыг дэмжих хөтөлбөр”, “Хөгжлийн бэрхшээлтэй иргэдийг дэмжих”, “Малчдын хөдөлмөр эрхлэлтийг дэмжих” зэрэг хөтөлбөрийн зээлд хамрагдах хүсэлтэй иргэдийн материалыг авч дууссан байна. “Ажлын байрыг дэмжих хөтөлбөрт” 195, “Хөгжлийн бэрхшээлтэй иргэдийг дэмжих хөтөлбөр”-т 76, “Малчдын хөдөлмөр эрхлэлтийг дэмжих төсөл хөтөлбөр”-т 15 иргэний материалыг хүлээн авсан байна. Зээлд хамрагдах иргэдийн хүсэлтийг сумын амьжиргааг дэмжих зөвлөлөөр хэлэлцэн сонгон шалгаруулалтыг хийж, эцсийн дүнг гаргах юм. Аймгийн хэмжээнд “Ажлын байрыг дэмжих хөтөлбөр”-т 67 иргэн, “Хөгжлийн бэрхшээлтэй иргэдийг дэмжих хөтөлбөр”-т 13 иргэн, “Малчдын хөдөлмөр эрхлэлтийг дэмжих төсөл хөтөлбөр”-т найман иргэнийг хамруулахаар заажээ. Дээрх гурван төсөл хөтөлбөр нь шийдвэрлэх шатандаа явж байгаа. Харин “Ахмад мэргэжилтэний зөвлөх үйлчилгээг хөгжүүлэх хөтөлбөр”-т хамрагдах хүсэлтэй иргэдийн материалыг энэ сарын 12-н хүртэл аймгийн Ахмадын хороон дээр авч байна. “Залуучуудын хөдөлмөр эрхлэлт, гарааны бизнесийг дэмжих хөтөлбөр”-үүдийн материалыг энэ сарын 29-н хүртэл авах юм байна. Дээрх “Итгэлийн зээл” болох хүүгүй, барьцаагүй итгэлийн үндсэн дээр олгож буй зээлд баг тус бүрээс таван иргэний бизнесийг дэмжихээр заасан байна. Иймд дээрх зээлд хамрагдахаар материалаа өгсөн иргэдийг баг дээр нь шалгаруулж, болзолт шалгуурт тэнцсэн таван иргэний материалыг Баян-өндөр сум руу шилжүүлнэ. Тус сумын амьжиргааг дэмжих зөвлөл хуралдаж эцсийн дүнг гаргах юм. Одоогоор зээлд хамрагдах иргэдийн нэгдсэн дүн гарах хугацаа тодорхойгүй байгааг холбогдох мэргэжилтэн хэллээ. Б.Чимэдлхам [sgmb id="1"]