“Худалдааны гудамж”-ийг гар урлал, түргэн үйлчилгээний чиглэлээр ойрын хугацаанд ашиглалтанд оруулахаар Баян-Өндөр сумаас ажлын хэсэг гарч ажиллаад нэлээдгүй хугацаа өнгөрсөн. Гар урлал, түргэн үйлчилгээний чиглэлээр үйлчилгээ эрхлэх сонирхолтой иргэдийн дунд хүлээлт үүсээд байгаа юм. Гэвч одоогийн байдлаар дээрх ажил эхлээгүй зогсонги байдалтай байна. Баян-Өндөр сумаас тус гудамжинд худалдаа үйлчилгээ эрхлэгчид, үйлчилүүлэгчдэд таатай орчин нөхцөл боломж бүрдүүлэх зорилгоор автомашины зогсоол, нийтийн бие засах газар барихаар төлөвлөсөн. Мөн гүйцэтгэгч байгууллага буюу “Хөрөнгийн бил” ХХК-наар дутуу ажлуудыг нь гүйцээж хийлгэх, нэгдсэн хаяг бүхий шаардлага хангахуйц 4-5 павильон барихаар 20 сая төгрөг төсөвлөсөн удахгүй ажлаа эхлүүлнэ гэж мэдээлж байсан. Гэвч хоёр сар гаруй хугацаа өнгөрч байхад тодорхой эхлүүлсэн ажилгүй “Худалдааны гудамж” үхмэл хөрөнгө хэвээр байна. Энэ гудамжинд худалдаа наймаа эрхлэх сонирхолтой 20 гаруй иргэн хүсэлтээ Баян-Өндөр суманд ирүүлсэн байна. Мөн худалдаа наймаа эрхлэх сонирхолтой иргэдийн саналыг хүлээн авч байна. Худалдаа наймаа эрхлэх сонирхолтой иргэдийн хувьд жишиг павильоныг худалдаж авах, эсвэл өөрсдөө барьж үйлчилгээгээ явуулах боломжтой юм байна. Павильоны хувьд 3х6 хэмжээтэй байна. Уг ажлын гүйцэтгэх компанийг тендерээр шалгаруулж, шалгарсан компаниар шаардлага хангасан павильон бариулахаар төлөвлөж байсан. Харин тендерт шалгарсан компанийн жишиг павильон шаардлага хангаагүй буцаасан байна. О.Алтанзаяа [sgmb id="1"]