Иргэдийн зүгээс нотариатчдын үйлчилгээний хөлс тогтсон үнэ тарифтай биш өөр, өөр үнэтэй байна гэж ярилцдаг. Тэгвэл ийм явган мэдээлэл иргэдэд буруу ойлголт өгдөг учраас бид энэ удаад төрийн нэрийн өмнөөс гэрчлэх, нотлох үйлчилгээг үзүүлдэг Нотариатчдын үйлчилгээний үнэ хөлсний талаарх мэдээллийг хүргэж байна. Нотариатын үйлчилгээ үзүүлж буй хуулийн байгууллага  нь Хууль зүй, дотоод хэргийн сайдын 2011 оны долоодугаар сарын 5-ны өдрийн 123 тоот тушаалын хавсралтад заасан үнэ тарифийг мөрдөж ажиллах ёстой гэж Монголын нотариатчдын танхимын цахим хуудсанд мэдээлжээ. Иймээс нотариатын үйлчилгээ авах гэж байгаа иргэд доорх үнээр нотариатын газраар үйлчлүүлж хууль зүйн зөвлөгөө авна. Мөн үнийн дүн нэг сая төгрөг давсан тохиолдолд дараахь шатлалаар үйлчилгээний хөлс авна.  Үүнд 25.000.001-100.000.000 төгрөгийн бүх төрлийн гэрээ, хэлцлийг гэрчлэх тохиолдолд нотариатчдын хөлсөнд 50.000 төгрөг төлнө. Таван зуун саяаас  нэг тэрбум төгрөг, түүнээс дээш бол  300 мянган төгрөгийг үйлчилгээний хөлсөнд өгөх юм байна. Н.Санаа