Аймгийн Засаг даргын тамгын газрын 7035-3511 утсанд өнгөрсөн долоо хоногт нийтийн тээврийн маршруттай холбоотой гурван хүсэлт иржээ. Гэр хорооллын болон алслагдсан багуудад “Дундын зогсоолд зогсохгүй явж байна” гэсэн гомдол гарсан байна. Эдгээр хүсэлтийн дагуу нийтийн тээвэрт хариуцлага тооцохыг аймгийн Засаг дарга үүрэг болгосон юм. Эхний болон эцсийн буудлаас хүн авчихаад дундын зогсоолд зогсдоггүй болон Говил, ПДУ-гийн чиглэлд хулгайн тээвэр явж байгааг мэдээллээ. Төрийн захиргаа удирдлагын хэлтсийн дарга Ш.Ганболд “Нийтийн тээвэртэй холбоотой асуудлуудыг шийдэх, иргэдийн гомдлыг барагдуулахад тодорхой үр дүнд хүрэхгүй байгаа” гэж ярилаа. Засаг дарга “Авто тээврийн төв”-д хандан зогсоолдоо зогсохгүй байгаа нийтийн тээврийг явуулахгүй байх арга хэмжээ авахыг үүрэг болголоо. Иргэдийн санал хүсэлт хүлээн авах 7035-3511 утсанд ирсэн мэдээллийг “Нэг цонх”-ны үйлчилгээний төвөөс долоо хоног бүр танилцуулдаг. Аймгийн Засаг дарга иргэдэд үйлчилж чадахгүй байвал тухайн компани, ажилтныг болиулах хэрэгтэй гэсэн үүрэг даалгаврыг өгсөн. Удаа дараа зөрчил гаргасан газруудын гэрээг цуцлах, нийтийн тээвэртэй холбоотой ажлуудыг цэгцлэх шаардлагатай байна. Жилд нийтийн тээврийн нөхөн олговор гэж 857 сая төгрөгийн нийтийн тээврийн компаниудад өгдөг. Тиймээс холбогдох байгууллага арга хэмжээ авч дахин зөрчил дутагдал гаргахгүй байхыг Аймгийн Засаг дарга анхаарууллаа. [sgmb id="1"]