Барилгачдын талбайн Авто вокзалаар Эрдэнэтээс Дархан, Улаанбаатарын чиглэлээс гадна Вокзал руу автобус, жижиг тэргүүд үйлчилгээ үзүүлдэг. Зорчигчид тээврийн хэрэгслийн жолооч нарт нийтийн бие засах газар байдаггүй учир өндөрлөг рүү гарах гүүр, жалга руу бие засах тохиолдол гардаг байна. Харин Авто тээврийн үндэсний төвийн хот хоорондын зорчигч тээврийн тасалбар түгээврийн газар дотор бие засах газар ажилладаг байна. Аймгийн Засаг даргын тамгын газрын дарга аймгийн ЗДТГ-ын дарга Д.Соёлчхүү “Хот хоорондын зорчигч тээврийн тасалбар түгээврийн төвийн бие засах газар иргэдэд үйлчлэхгүй байна. Ажиллуулах шаардлага тавихад ажилтнууд нь чадахгүй гэсэн хариулт өгсөн. Орон нутгийн өмчийн газарт 00-г ажиллуулах үүрэг даалгавар өгсөн” тухай ярилаа. Энэ асуудлаар “Арвин шар зам” хоршооны менежер Д.Бямбасүрэнгээс асуухад “Авто вокзалын стандартын шаардлага хангадаггүй, нийтийн бие засах газартай болгож өгөхийг хүссэн юм. Тус тасалбар түгээврийн төвийн ажилтан нар үйлчлэгчгүй учраас бие засах газраа өөрсдөө цэвэрлэдэг. Иймд нийтэд үйлчлэх боломжгүй гэсэн тайлбарыг хэллээ. Согтуу хүмүүс л гуу, жалганд орж бие засдаг гэж тэнд ажиллаж байгаа ажилтнууд хэлж байсан юм. Гэсэн ч удалгүй дүрэмт хувцастай залуу бие засчихаад машиндаа суугаад хөдөлсөн юм. Ирэх 7-р сарын 1-нээс эхлэн хэрэгжих Зөрчлийн тухай хуулиар олон нийтийн газар ил задгай бие засвал 10 мянган төгрөгөөр торгоно. Хуулийг хэрэгжүүлэхийн өмнө Барилгачдын талбайд нийтийн 00 ажиллуулах зайлшгүй шаардлага байгааг хөндлөө. Ц.Ариунчимэг [sgmb id="1"]