“Эрдэнэт Ус” ДТС ОНӨХК-ийн ажилчдын харьцаа, хандлага, мэргэжлийн ур чадвар, ажлын хариуцлагын тухай асуудал Эрдэнэтийн хэмжээнд иргэдийн гэлтгүй үйлчилгээний байгууллагын хувьд тулгамдсан асуудал болсон. Энэ тухай ч иргэдийн зүгээс тодорхой асуудал, санал хүсэлтийн орон нутгийн удирдлагад ирүүлдэг. Энэ чиглэлээр хийж буй ажлынхаа талаар “Эрдэнэт Ус” ДТС ОНӨХК-ийн удирдлагаас аймгийн ЗДТГ-т ирүүлжээ. “Эрдэнэт ус, дулаан түгээх сүлжээ”ОНӨХК-иас ажилчдынхаа ажлын ур чадвар, харилцаа, үйлчилгээний соёлыг дээшлүүлэх ажлын төлөвлөгөө боловсруулан хэрэгжилтийг зохион байгуулсан аж. Тухайлбал, ажилчиддаа харьцаа, хандлага, мэргэжлийн ур чадвар, ажлын хариуцлагыг дээшлүүлэх чиглэлээр сургалт зохион байгуулан, хариуцлагыг нэмэгдүүлэн ажиллаж байгаа төдийгүй ажилчдын ур чадварыг шалган аттестатчлал явуулсан байна. Мөн тус байгууллагад ирж буй дуудлага бүрт чанарын хуудас хөтлүүлэн хяналт тавин ажилласнаар нийт дуудлагын 88 хувьд нь “Хангалттай”, хоёр хувьд нь “Хангалтгүй”, 10 хувьд нь “Бусад” гэсэн үнэлгээг өгчээ. [sgmb id="1"]