Аймгийн Засаг даргын шуурхай зөвлөгөөн дээр Хөдөлмөр, халамжийн үйлчилгээний газрын даргын үүргийг түр орлон гүйцэтгэгч Х.Эрдэнэбатыг танилцуулсан юм. Хөдөлмөр, нийгмийн хамгааллын сайд Н.Номтойбаярын тушаалаар аймгийн Хөдөлмөр, халамжийн үйлчилгээний газрын даргын үүргийг түр орлон гүйцэтгэгчээр томилогдсон Х.Эрдэнэбат нь Архангай нутгийн уугуул аж. Тэрбээр 1973 онд төрсөн, эрх зүйч мэргэжилтэй. 1992-1993 онд цэргийн алба хаасан, 1994-1996 онд Онцгой байдлын газарт мэргэжилтэн, 1997-2001 онд “Петровис” ХХК-д хуулийн зөвлөх, 2007-2009 онд Эд хөрөнгийн эрхийн улсын бүртгэлийн албанд архивч, бичиг хэргийн эрхлэгч, улсын бүртгэгч, албаны дарга, 2009 оноос Улсын бүртгэлийн хэлтэст хяналтын улсын байцаагч, 2012-2013 онд Нийгмийн халамж үйлчилгээний хэлтэст халамжийн асуудал хариуцсан мэргэжилтнээр ажилласан. 2014 оны нэгдүгээр сараас 2016 оны есдүгээр сар хүртэл аймгийн Шүүхийн Тамгын газарт зохион байгуулалт хариуцсан мэргэжилтнээр ажиллаж байгаад энэ сарын 19-ний өдрөөс эхлэн аймгийн Хөдөлмөр, халамжийн үйлчилгээний газрын даргын үүргийг түр орлон гүйцэтгэгчээр томилогдсон байна.